Paruwasi Muyange yateguye amahugurwa ku kwirinda Covid 19

Tariki ya 18/07/2020, kuva  saa mbiri 8h00 kugera 10h30 muri salle ya Paruwasi  ya Muyange,hateraniye abakorerabushake 61 bavuye muri centrale zose zigize Paruwasi Muyage (Muyange,Bunyenga,Mukoma na Bunyangurube).

Amahugurwa yitabiriwe kandi na ba Padiri bakorera ubutumwa muri iyo Paruwasi,abafratiri bari mu biruhuko ku Muyange n’abayobozi ba centrale zose. Amahugurwa,yatanzwe n’umukozi w’Ikigonderabuzima cya Muyange ,yagarutse kuri izi ngingo :

1. Amakuru ku cyorezo cya covid-19
2. Amabwiriza ya Minisante ajyana no gukumira icyo cyorezo
3. Ingamba zo gukumira icyo cyorezo
4. uburyo bwo gukaraba neza intoki hifashishijwe kandagira ukarabe

Nyuma hakozwe imyitozo yo gufasha abantu kwinjira mu Kiliziya,uburyo bwo guhagarara, gufasha abantu gutaha nyuma ya Misa ndetse n’ibindi bifasha gukumira icyorezo cya coronavirus. Amahugurwa yasojwe n’isuzuma maze abaritsinze bahabwa Certificat.

Byegeranijwe na Padiri Jean Claude Ntamuturano